پب جی / PUBG کھیلتے ہوئے ہو گیا محبت، عاشق سے ملنے کو بیتاب شادی شدہ خاتون یوپی سے پہنچ گئی بہار اور…

276 2 minutes read

مہاراج گنج: اترپردیش میں محبت کا ایسا ہی ایک انوکھا واقعہ سامنے آیا ہے، جہاں محبوبہ اپنے عاشق سے ملنے گھر چھوڑ کر یوپی سے بہار بھاگ گئی۔ دراصل آن لائن گیم PUBG (اسی طرح کی گیم سے ملتا جلتا گیم) کھیلتے ہوئے یوپی کے مہاراج گنج ضلع کی ایک خاتون کو بہار کے مظفر پور کے ایک نوجوان سے محبت ہو گئی۔ محبت کا نشہ ایسا تھا کہ شادی شدہ خاتون اپنے گھر والوں کو چھوڑ کر عاشق سے ملنے بہار کے مظفر پور چلی گئی۔

ادھر خاتون کی تلاش جاری تھی، دوسری طرف وہ اپنے عاشق سے ملنے کے لیے بیتاب ہو رہی تھی۔

یہ بھی پڑھ سکتے ہیں

نوبھارت ٹائمز کی خبر کے مطابق معاملہ شیامدیروا تھانہ علاقہ کا ہے، جہاں شادی شدہ خاتون 3 مارچ کو مظفر پور تھانہ سول لائنز میں اپنے عاشق سے ملنے گئی تھی جس کے ساتھ وہ PUBG گیم کھیلتی تھی اور اس دوران وہ اس کو دل دے بیٹھی ۔ ادھر اس کی گمشدگی کے بعد اہل خانہ میں کہرام مچ گیا خاتون کی تلاش چاروں طرف کی گئی۔ جب کہیں سے خاتون کا کوئی سراغ نہیں ملا تو اس کے اہل خانہ نے 4 مارچ کو شیامدیروا پولیس اسٹیشن میں گمشدگی کی رپورٹ لکھوائی۔

اس کے بعد جب پولیس نے تفتیش شروع کی تو اسے سرویلنس ٹیم کی مدد لینی پڑی۔ پولیس کو لاپتہ خاتون کا مقام مظفر پور سول لائنز مل گیا۔ اس کے بعد پولیس نے بہار پولس سے رابطہ کیا اور خاتون کو مظفر پور سے بحفاظت بازیاب کرا لیا گیا۔

یہ بھی پڑھ سکتے ہیں

گھر بیٹھے آدھار کارڈ میں اپنا موبائل نمبر یا نام، پتہ تبدیل کریں، جانیں یہ آسان طریقہ

आरबीआई ने पेटीएम पेमेंट्स बैंक को नए खाते खोलने से रोककर झटका दिया।

بتایا جا رہا ہے کہ 3 مارچ کو جب یوپی میں 2022 کے اسمبلی انتخابات کے چھٹے مرحلے میں ووٹنگ ہو رہی تھی، تب گھر میں خود کو اکیلا پا کر خاتون مظفر پور بھاگ گئی۔ اس دوران ان کے گھر کے دوسرے لوگ ووٹ ڈالنے گئے ہوئے تھے۔

ووٹ ڈالنے کے بعد جب اہل خانہ گھر واپس آئے تو انہوں نے نوبیاہتا خاتون کو غائب پایا۔ اس کے بعد اس کی چاروں طرف تلاشی کی گئی۔ دن بھر تلاش کرنے کے بعد جب خاتون کے بارے میں کوئی پتہ نہیں چلا تو 4 مارچ کو گھر والوں نے پولیس میں گمشدگی کی رپورٹ درج کرائی۔ بتایا جاتا ہے کہ خاتون فارغ وقت میں گھر میں PUBG کھیلتی تھی اور اسی دوران اسے مظفر پور کے لڑکے سے پیار ہو گیا۔

حوالہ : نیوز 18

قومی ترجمان کا ٹیلیگرام گروپ جوائن کرنے کے لیے یہاں کلک کریں!

https://t.me/QAUMITARJUMAN