چندہ کرکے آب نکاسی کرانے پر مجبور ہوئے گرامین،سریندر

منریگا سمیت دیگر اسکیموں سے آب نکاسی کے لئے کروڑوں روپے غبن کر رہے ہیں دلال،وچولیا،نمائندہ

سمستی پور (محمد مصطفیٰ)نگر پریشد حلقہ کے تاج پور بلاک کے موتی پور وارڈ نمبر 07,10 وغیرہ وارڈ کے سیکڑوں باشندوں کے مکانات ، کھیت ،بتھان، وغیرہ زیرآب ہیں۔ سڑک بند ہے۔ ہفتہ کے روز ،اب نکاسی کے لئے نپ کے ایگزیکٹو آفیسر کو درخواست دینے کے باوجود ، انتظامی پہل نہ کرنے کی وجہ سے متاثرہ دیہاتیوں نے آپس میں چندہ جمع کر جے سی بی کو بلاکر NH-28 کنارے بند پڑے پولیا،بھرے گڈھے کھود کر دیوار توڑ کر انخلا کا عمل شروع کیا گیا، اس دوران ، دیہاتیوں نے انتظامی ناکامی پر برہمی کا اظہار کیا۔ کوشیشور شرما نے کہا کہ سرکاری فنڈ لوٹا جا رہا ہے دوسری طرف ہم چندہ مانگ کر پانی کی نکاسی کا کام کرنے پر مجبور ہیں۔ ارجن شرما نے کہا کہ لوگ پریشان ہیں۔ ہفتہ کو این پی کے ایگزیکٹو آفیسر کو درخواست دی گئی تھی۔ کوئی سماعت نہ ہونے کے بعد ، پیر کو دوبارہ درخواست دی گئی ، پھر بھی کوئی اقدام نہیں دیکھتے ہوئے ، ہم چندہ جمع کرنے اور نکاسی آب کے لئے کوشاں ہیں۔ اس موقع پر ، کسان رہنما برہم دیو پرساد سنگھ ، سی پی آئی (مالے) بلاک سکریٹری سریندر پرساد سنگھ نے کہا کہ منریگا و دیگر منصوبوں کے تحت نکاسی آب کے لئے فنڈز کی دستیابی کے باوجود گاؤں کے افراد نکاسی آب کے لئے چندہ دینے پر مجبور ہیں۔ بلاک انتظامیہ سمیت بھاجپا جدیو کے نتیش حکومت کے لئے شرم کی بات ہے۔مالے رہنما نے ڈسٹرکٹ مجسٹریٹ سے مطالبہ کیا ہے کہ وہ بی ڈی او ، این پی انچارج ، ہیڈ ، سکریٹری وغیرہ کی عدم فعالیت پر تحقیقات کریں اور کارروائی کریں۔ اس موقع پر انیل شرما ، سنجیو کمار ، پرمود کمار ، سریش ساہ ، ایپوا کی بندنا سنگھ ، مہیشور شرما ، ارجن سنگھ وغیرہ موجود تھے۔