نوکری بدلی ہے تو EPFO اکاؤنٹ خود ہی کریں ٹرانسفر
ای پی ایف او نے آن لائن عمل کو بنایا آسان
نئی سہولت ملازمین کو اکاؤنٹ ٹرانسفر کی پریشانی سے ملے گی نجات
نئی دہلی 2 /دسمبر (قومی ترجمان) EPFO (ایمپلائز پراویڈنٹ فنڈ آرگنائزیشن) کے کھاتہ دار نوکری بدلنے کے ساتھ ساتھ اپنا اکاؤنٹ خود بھی منتقل کر سکیں گے۔ تمام EPFO ممبران اس سہولت کا فائدہ اٹھا سکتے ہیں۔ کھاتہ داروں کی سہولت کے لیے EPFO نے آن لائن عمل کو آسان بنایا ہے۔اس عمل کو مکمل کرنے کے لیے ضروری ہے کہ آپ کا پی ایف اکاؤنٹ آدھار نمبر اور موبائل نمبر سے منسلک ہو اور دیگر اہم معلومات کو لازمی طور پر اپ ڈیٹ کئے گئے ہوں ۔ اس سے ملازم کو پرانے نیوکتا یا موجودہ کمپنی کے پاس نہیں جانا پڑے گا۔اس طرح اکاؤنٹ ملازم کے پروویڈنٹ فنڈ آرگنائزیشن کی ویب سائٹ پر منتقل ہو جائے گا۔
ایسے ٹرانسفر ہوگا اکاؤنٹ
سب سے پہلے کھاتہ دار کو epfindia.gov.in پر جانا ہوگا۔یہاں یونیفائیڈ ممبر پورٹل کھل جائے گا جیسے ہی آپ سروسز سیکشن میں دیے گئے ‘ملازمین کے لیے’ لنک پر کلک کریں گے۔ یہاں ملازم کو یونیورسل اکاؤنٹ نمبر (UAN) اور پاس ورڈ کے ساتھ لاگ ان کرنا ہوگا۔ اس سے متعلقہ ملازم کا پروفائل صفحہ کھل جائے گا۔ یہاں آپ کو آن لائن سروس کے لنک پر جانا ہوگا اور One Member One Account کے آپشن پر کلک کرنا ہوگا۔ یہاں موجودہ اپوائنٹمنٹ اور پی ایف اکاؤنٹ سے متعلق معلومات کی تصدیق کرنی ہوگی۔ اس کے بعد Get Details کے آپشن پر کلک کریں اور بس آپ کا کام مکمل ہو جائے گا ۔
