اردو ادباہم خبریں

نعتِ نبی پاک ﷺ✍️محمد مصطفےٰ غزالی

🌹🌹 نعتِ نبی پاک ﷺ🌹🌹

محمد مصطفےٰ غزالی ، پٹنہ8409508700

نبیؐ پر جو ایمان ہیں لانے والے
وہی ہیں خدا کی رضا پانے والے

نگاہِ کرم ہو ہماری طرف بھی
سبھی کی مُرادوں کو بر لانے والے

خدایا کرم ہو محمدؐ کے صدقے
کہ ہم ہیں انہیں کی وفا پانے والے

کبھی اک نظر ہو شہنشاہِ عالمؐ
سبھی کے نصیبہ کو چمکانے والے

نہ واپس کبھی لوٹ کر آنا چاہیں
دیارِ نِعٙم بار میں جانے والے

فلک کے ستارے ، زمیں کے نظارے
چمک تجھؐ سے پاتے ہیں سب پانے والے

قمر ، کہکشاں ، آفتاب و شرارے
سبھی ہیں نبیؐ سے ضیا پانے والے

ترے در پہ آقاؐ اگر آ گئے ہم
پلٹ کر وہاں سے نہیں آنے والے

نہ چھوڑیں کبھی اتباعِ محمد ﷺ
کہ تھک جائیں گے خود ستم ڈھانے والے

لُٹا دیں رہِ عشقِ احمدؐ میں جاں تک
کہ ہیں زخم گہرا بہت کھانے والے

جو وابستہ ہیں دامنِ شاہِ دیںؐ سے
ہیں وہ ظلِ فیض و کرم پانے والے

لبوں پر رہے گا سدا ذکرِ احمدؐ
کروڑوں ہیں نعتِ نبیؐ گانے والے

بسے ہیں سبھی کے دلوں میں محمدؐ
کہ ہر قلب کو ہیں نبیؐ بھانے والے

نبیؐ کی محبت دِلوں سے نہ نکلی
دِکھائے بہت زور دِکھلانے والے

نبیؐ کی اطاعت نہ چھوٹے گی ہرگز
ہزار آئیں بہکانے ، دھمکانے والے

غلامِ شہِ دیںؐ سے خود خوف کھائیں
زمانے کے ہر جج ، ہر اک تھانے والے

انھیں بھی عطا ہو نبیؐ کی محبت
جو اغیار اب تک ہیں پچھتانے والے

ملے گی نویدِ شفاعت اُنھیں کو
عمل میں جو سنّت کو ہیں لانے والے

خدا کی قسم ہو گئے جو نبیؐ کے
وہی فِیض و انعام ہیں پانے والے

سلامِ غزالی ذرا جا کے کہنا
درِ شاہِ بطحاﷺ پہ او جانے والے

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button