اہم خبریںبہاربین ریاستی خبریںپٹنہ

بہار میں آج سے بدلے گا موسم کا مزاج ، ریاست کے ان اضلاع میں بارش کے امکانات

بہار : 27 /دسمبر (قومی ترجمان) ہوا کا رخ بدلتے ہی بہار کے لوگوں کو شدید سردی سے راحت تو ملی ہے لیکن آنے والے چند دنوں تک موسم کی مار جھیلنی پڑ سکتی ہے۔ گزشتہ دن، تین چار دنوں کے مقابلے میں کم سے کم پارہ 3 سے 4 ڈگری تک ریکارڈ کیا گیا ہے۔ محکمہ موسمیات کے مطابق موسم کی تبدیلی کے باعث ہوا کے رخ میں تبدیلی آئی ہے اور کم سے کم پارہ میں اضافہ ہوا ہے۔

پٹنہ موسمیاتی مرکز کے مطابق اتوار سے ہی ریاست میں دھند چھائی رہے گی۔ کچھ علاقوں میں دھند کا زیادہ اثر دیکھا جائے گا۔اس کا اثر دارالحکومت میں بھی صبح و شام نظر آئے گا۔

آج یعنی 27 دسمبر سے ریاست میں بادل چھائے رہیں گے۔ 28 سے 29 دسمبر کے درمیان پٹنہ، نالندہ، گیا، شیخ پورہ، نوادہ، بیگوسرائے، لکھی سرائے، جہان آباد، بکسر، بھوجپور، روہتاس بھبوا، اورنگ آباد، ارول میں ہلکی یا درمیانی بارش کی پیش گوئی کی گئی ہے۔ 29 دسمبر کو ریاست کے شمالی حصے میں مغربی چمپارن، مشرقی چمپارن، سیوان، گوپال گنج، سیتامڑھی، مدھوبنی، مظفر پور، دربھنگہ، ویشالی، شیوہر، سمستی پور اضلاع میں ہلکی بارش ہوسکتی ہے۔

بتا دیں کہ مشرقی اور جنوبی ہوا کا اثر ریاست کے کئی حصوں میں چل رہا ہے۔ محکمہ موسمیات نے پیش گوئی کی ہے کہ یوپی میں سائیکلونک سرکولیشن کی وجہ سے راجدھانی سمیت پوری ریاست کے موسم میں تبدیلی آسکتی ہے۔ ہوا کا رخ تبدیل ہونے سے ریاست کے لوگوں کو سردی سے راحت ملی ہے۔ تاہم زیادہ سے زیادہ درجہ حرارت میں کوئی خاص کمی ریکارڈ نہیں کی گئی۔ ہمیشہ کی طرح، گیا ہفتہ کو ریاست کا سرد ترین شہر رہا، جب کہ راجدھانی کا درجہ حرارت دوسرے دنوں میں بھی ایسا ہی رہا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button