اب بہار حکومت دے گی جنرل اور پسماندہ طبقے کی تمام طالبات کو ایک لاکھ روپے، جانیں کیا ہے اہلیت

بہار: 30 /دسمبر (قومی ترجمان) ‘وزیر اعلیٰ ناری شکتی یوجنا’ کے تحت بہار حکومت یو پی ایس سی کی تیاری کے لیے طالبات کو ایک لاکھ روپے دے گی۔ اب تک اس اسکیم کا فائدہ صرف عام زمرے کی طالبات کو ملتا تھا ، لیکن حکومت نے یہ فیصلہ کیا ہے کہ اب پسماندہ طبقے کی خواتین کو بھی اس اسکیم کا فائدہ ملے گا۔ اس اسکیم کے ذریعے حکومت کا مقصد غریب طبقے کی ہونہار طالبات کو بااختیار بنانا اور اعلیٰ عہدوں پر پہنچنے کے ان کے خواب کو حقیقت بنانا ہے۔

اس اسکیم کا فائدہ اب عام اور پسماندہ طبقات کی ان تمام طالبات کو ملے گا جو یو پی ایس سی کا ابتدائی امتحان پاس کرنے کے بعد مینس امتحان کی تیاری کر رہی ہیں۔اسی کے ساتھ ان کے لیے بہار کا شہری ہونا بھی ضروری ہے

درخواست کے لیے ضروری ہدایات

اس میں درخواست دینے والے طالب علم کو بینک پاس بک، آدھار کارڈ اور لوکل سرٹیفکیٹ بھی ساتھ رکھنا ہوگا۔

آپ کو بتاتے چلیں کہ درخواست دینے کی آخری تاریخ 31 دسمبر 2021 ہے۔

موصولہ اطلاعات کے مطابق اس اسکیم کے تحت اب تک صرف 40 طالبات نے درخواست دی ہے، جس کی وجہ سے حکومت کو آخری تاریخ بڑھانی پڑی۔

اپلائی کرنے کا طریقہ جانیں۔

اس اسکیم کے لیے درخواست کا عمل آن لائن کیا جائے گا۔ طلباء اپنی درخواست خود بھی بھر سکتے ہیں۔ درخواست بھرنے کے لیے انہیں درج ذیل طریقہ کار سے گزرنا ہوگا۔

اس لنک پر جائیں

https://fts.bih.nic.in/swdscholarship/default.html

رجسٹریشن آپشن پر کلک کریں۔
مانگی گئی معلومات کو پُر کریں۔  پھر سبمٹ پر کلک کریں۔
عمل مکمل ہونے کے بعد میل کے ذریعے اس کی تصدیق کی جائے گی۔  حکومت کی طرف سے آپ کی درخواست کی تصدیق و جانچ کرنے کے بعد آپ کے اکاؤنٹ میں ایک لاکھ روپے کی رقم بھیجی جائے گی۔