آر سی پی سنگھ کو مرکزی وزیر بنائے جانے پر سنگھواڑہ کے جے ڈی یو کارکنان میں زبردست خوشی کا ماحول
جے ڈی یو کے قومی صدر راجیہ سبھا کے رکن پارلیمنٹ آر سی پی سنگھ کو این ڈی اے کا بینہ میں وزیر اسٹیل بنائے جانے پر سنگھواڑہ بلاک حلقہ کے جے ڈی یو کارکنان کافی خوش ہیں۔جے ڈی یو کے بلاک صدر بدر اعظم ہاشمی نے کہا کہ آر سی پی سنگھ ہمہ جہت شخصیت کے مالک ہیں ۔ان کو مرکزی کابینہ میں شامل کرکے بہار کے ساتھ انصاف کیا گیا ہے یقینا بہار میں ترقیاتی رفتار تیز ہوں گے۔ جے ڈی یو کے نوجوان لیڈر پرویز عالم نے کہا کہ جس ذمہ داری کے ساتھ پارٹی کے قومی صدر آر سی پی سنگھ نے پارٹی اور اس سے جڑے سماج کے سبھی لوگوں کو ایک نظر سے دیکھتے ہوئے پارٹی کو مضبوط کرنے کی ہر ممکن کوشش کی ہے اسی طرح اپنی نئی ذمہ داری بھی بخوبی نبھائیں گے۔امتیاز بھارتی نے کہا کہ جس یقین کے ساتھ وزیرِ اعلیٰ نتیش کمار نے اُنہیں مرکزی وزیر کی فہرست میں کھڑا کیا ہے اسے آر سی پی سنگھ پورا کرینگے اور بہار کی عوام کو بڑا فائدہ ہوگا اور روزگار کے بھی بہت سارے راستے ہموار ہونگے۔ اسی طرح صغیر احمد کے علاوہ دیگر لیڈران نے بھی خوشی کا اظہار کیا ہے۔
