![](https://qaumitarjuman.com/wp-content/uploads/2022/06/thumbnail-780x470.png)
بندرا،15 فروری (قومی ترجمان) بندرا پنچایت کے گووند پور چھپرہ وارڈ نمبر 3 کا واقعہ ہے ۔ بتاتے چلیں کہ بندرا پنچایت کے گووند پور چھپرہ رہائشی اشوک رام کے لڑکی کی شادی منوج رام دربھنگہ کے لڑکا سے طے ہوئی تھی ۔
گھر والوں کے مطابق مقررہ تاریخ یعنی 11 فروری کو دربھنگہ سے اشوک رام کے گھر بارات آنی تھی ۔ پہلے سے طے شدہ تاریخ کے مطابق 11 فروری کو دربھنگہ سے بارات آئی ،لیکن معاملہ تب بگڑا جب لڑکے کی پہلی بیوی وہاں پہنچ کر ہنگامہ کرنے لگی ۔ اس خاتون نے لوگوں کو بتایا کہ یہ لڑکا جو ابھی بارات لے کر یہاں پہونچا ہے وہ میرا شوہر ہے ۔
لڑکی والوں کو جیسے ہی یہ پتہ چلا کہ لڑکا پہلے سے ہی شادی شدہ ہے تو اشوک رام کے گھر والوں نے لڑکی کو رخصت کرنے سے نہ صرف انکار کر دیا بلکہ باراتیوں کو یرغمال بنا لیا ۔
معاملہ کی نزاکت کو دیکھتے ہوئے بندرا پنچایت کے سرپنچ ظفر الحسن عرف چاند بابو نے موقع پر پہنچ کر معاملے کو حل کیا ۔اس موقع پر پیر تھانہ انچارج بھی وہاں موجود تھے۔
ان خبروں کو بھی پڑھیں
- سکشمتا 2.0 میں 26 فروری کو پوچھے گئے سوالات
- سکشمتا 2.0 میں پوچھے گئے سوالات
- سکشمتا پریکشا میں 26 فروری کو پوچھے گئے سوالات جواب کے ساتھ دیکھیں
![](https://qaumitarjuman.com/wp-content/uploads/2022/02/urdudesigner-16438572708586969813956704373417-1024x168.png)