![](https://qaumitarjuman.com/wp-content/uploads/2022/06/thumbnail-780x470.png)
،
طلبہ دن بھر انتظار کرنے کے بعد شام کو مایوس ہو کر لوٹے اپنے گھر،کچھ دیر ہنگامہ برپا بھی کیا
سمستی پور (محمد مصطفیٰ)آر آر بی کے NTPC امتحان میں خامی کے بعد بہار میں طلباء کے ہنگامے اور بہار بند کے بعد ریلوے کی ہائی پاور کمیٹی معاملے کی جانچ کے لیے سمستی پور پہنچی۔ لیکن ٹیم کے سمستی پور میں تاخیر سے پہنچنے کی وجہ سے زیادہ تر طلباء کو ٹیم سے ملے بغیر ہی واپس لوٹنا پڑا۔ جس کی وجہ سے صرف دس طلبہ ہی ٹیم سے بات کر سکے۔
یہ بھی پڑھیں
ریلوے بورڈ نے نان ٹیکنیکل پاپولر کیٹیگری (این ٹی پی سی) امتحان سے متعلق شکوک کو دور کرنے اور طلباء کے مسائل جاننے کے لیے ایک چار رکنی ٹیم سمستی پور بھیجی تھی۔ تاہم ٹیم کی آمد کی تشہیر نہیں کی گئی جس کی وجہ سے زیادہ تر طلباء کو اس کے بارے میں معلومات نہیں مل سکیں۔ اس کے باوجود تقریباً پچاس طلباء دن بھر ریلوے ڈویژن آفس کے ارد گرد منڈلاتے رہے۔
یہ بھی پڑھیں
لیکن شام تک ٹیم کی عدم دستیابی اور شدید سردی کے باعث ان میں سے بیشتر طلبہ اپنے گھروں کو واپس چلے گئے۔ طلبہ نے کچھ دیر ہنگامہ بھی کیا، موصولہ اطلاع کے مطابق ریلوے بورڈ کی طرف سے تشکیل دی گئی ہائی پاور کمیٹی کی ٹیم سمستی پور پہنچی۔
اس سے قبل ٹیم دربھنگہ میں بھی طلبہ کے مسائل اور شکوک سنے، اس دوران دونوں مقامات پر پریس میڈیا کو ٹیم سے الگ رکھا گیا۔ ٹیم میں پرنسپل ایگزیکٹو ڈائریکٹر (صنعتی تعلقات) دیپک پیٹر جو ریلوے بورڈ میں بطور چیئرمین، ایگزیکٹو ڈائریکٹر اسٹیبلشمنٹ (RRB) راجیو گاندھی ریلوے بورڈ میں ممبر سیکرٹری کے طور پر مامور،اسکے علاؤہ تین لوگوں کو ممبر نامزد کیا گیا ہے۔
یہ بھی پڑھیں
آدتیہ کمار، چیف پرسنل آفیسر۔ مغربی ریلوے کے (انتظامیہ) مکیش کمار گپتا، چیئرمین، ریلوے ریکروٹمنٹ بورڈ، بھوپال۔ جبکہ تیسرے رکن ریلوے ریکروٹمنٹ بورڈ چنئی کے صدر جگدیش الگر سمستی پور اور دربھنگہ نہیں پہنچ سکے۔ مذکورہ ٹیم نے دیر شام ریلوے ڈویژنل دفتر کے منتھن میٹنگ روم میں دس طلباء سے ملاقات کی اور این ٹی پی سی کے نتائج سے متعلق طلباء کے شکوک و شبہات اور تجاویز کو سنا۔ ان امتحان دہندگان سے روبرو ملاقات کرکے ان کے شکوک و شبہات اور تجاویز سے آگاہ کیا گیا۔ اس دوران ریلوے ڈویژن کے کئی افسران بھی موجود تھے۔
یہ بھی پڑھیں