سیوان (قومی ترجمان بیورو) شہاب الدین کی بیٹی ہیرا شہاب کی شادی پیر کو شاہی انداز میں ہو رہی ہے۔ جلوس ہاتھیوں اور گھوڑوں کے ساتھ پہنچنے والے ہیں اور جگہ جگہ ان کے استقبال کے لیے انتظامات کیے گئے ہیں۔
بہار کے بڑے لیڈر محمد شہاب الدین کی بیٹی ہیرا شہاب کی شادی اور بیٹے اسامہ شہاب کی استقبالیہ پارٹی (ولیمہ) پیر کو ہو گی۔جس کی تیاریاں مکمل کر لی گئی ہیں۔ باہوبلی فلم کے سیٹ کی طرح پورا پنڈال شادی کے لئے سج دھج کر تیار ہے ۔
آر جے ڈی اقلیتی سیل کے ریاستی نائب صدر محمد خالد نے بتایا کہ آر سی پی سنگھ، اقلیتی سماج کے وزیر زماں خان سمیت کئی وزیر صاحب کی بیٹی کی شادی کے لیے آرہے ہیں۔ بہار کے وزیر اعلی نتیش کمار کو مدعو کیا گیا ہے لیکن ان کی طرف سے ابھی کوئی کوئی تصدیق نہیں ہوئی ہے۔
آر جے ڈی لیڈر محمد خالد نے بتایا کہ اس شادی میں چار چاند لگانے کے لیے اپوزیشن لیڈر تیجسوی یادو، تیج پرتاپ یادو کے ساتھ پورے بہار سے آر جے ڈی کے کئی ایم ایل اے شامل ہوں گے، تمام مہمانوں کے لیے بھرپور تیاریاں کی گئی ہیں۔
500 چولہے پر نان ویجیٹیرین اور ویجیٹیرین کھانا بنایا جائے گا۔
اس شاہی شادی میں لوگوں کو کھانا کھلانے کے لیے 500 چولہے تیار کیے گئے ہیں جن میں نان ویجیٹیرین اور ویجیٹیرین کھانا تیار کیا جائے گا۔ بنگال، اتر پردیش کے لکھنؤ اور باہر کے کئی مقامات سے باورچیوں کو بلایا گیا ہے، جو طرح طرح کے پکوان بنائیں گے۔
باراتیوں کا ہر جگہ استقبال ہو گا۔
آپ کو بتاتے چلیں کہ جب موتیہاری کا شاہی گھر کہلانے والے محمد افتخار کے بیٹے محمد شادمان کا جلوس نکلے گا اور جیسے ہی سیوان میں داخل ہوگا، تو سابق اسمبلی امیدوار محمد مبین اور ان کی ٹیم برہڑیا کے تیتھلی میں پھولوں کی بارش اور آتش بازی سے باراتیوں کا استقبال کریں گے۔
جلوس میں سینکڑوں گھوڑے اور ہاتھی شرکت کریں گے۔
بتایا جا رہا ہے کہ جلوس تقریباً 2 بجے پرتاپ پور گاؤں پہنچے گا۔تاہم لوگوں کو کھانا کھلانے کا آغاز 12 بجے سے ہو جائے گا ۔
