بہارطب و صحت

بہار میں ایک ہی نمبر سے بکنگ ہوگی سرکاری اور پرائیویٹ ایمبولینس، کرایہ بھی ہوگا طئے

تمام سرکاری اور نجی ایمبولینس کا ایک ہی نمبر 102 ہوگا، جسے ڈائل کرنے پر متاثرہ تک مدد پہنچ جائے گی۔

  • بہار میں ایک ہی نمبر سے بکنگ ہوگی سرکاری اور پرائیویٹ ایمبولینس، کرایہ بھی ہوگا طئے



بہار ،23 جنوری (قومی ترجمان) ریاست میں چلنے والی تمام سرکاری اور نجی ایمبولینسوں کو ایک ہی نمبر سے جوڑنے کی کوششیں تیز ہو گئی ہیں۔ تمام سرکاری اور نجی ایمبولینس کا ایک ہی نمبر 102 ہوگا، جسے ڈائل کرنے پر متاثرہ تک مدد پہنچ جائے گی۔ یہ فیصلہ سڑک حادثات میں ہلاکتوں کی تعداد کو کم کرنے اور فوری مدد فراہم کرنے کے لیے کیا گیا ہے۔ محکمہ ٹرانسپورٹ کی ہدایت پر محکمہ صحت نے اس سمت میں کارروائی شروع کردی ہے۔ اس کام کو مارچ تک مکمل کرنے کا ہدف مقرر کیا گیا ہے۔



ایک ہی ایمرجنسی نمبر سے منسلک ہونے کے بعد تمام نجی ایمبولینسوں کا ریاستی سطح کا ڈیٹا بیس ہر ضلع میں محکمہ صحت کے پاس ہوگا۔ حکومت کی طرف سے نہ صرف ان کی نگرانی کی جائے گی بلکہ ایمبولینس کا کرایہ بھی طے کیا جائے گا۔


اس کے ساتھ ریاست میں کام کرنے والے تمام پرائیویٹ ایمبولینس ڈرائیوروں کو اب لازمی طور پر پیرا میڈیکل اسٹاف لازمی طور پر رکھنا پڑے گا۔ تربیت یافتہ اہلکاروں کے بغیر چلنے والی ایمبولینسز کے خلاف آئندہ ماہ سے قواعد کے مطابق کارروائی کی جائے گی۔


خیال رہے کہ ملک میں سڑک حادثات میں 72 فیصد اموات بہار میں ہی ہوتی ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button