اب ٹرین میں رات 10 بجے کے بعد نہیں کر پائیں گے یہ کام،جان لیجیے نئی ہدایات ورنہ ہوگی کاروائی

• یہ قانون فوری طور پر نافذ العمل ہو گیا ہے

• ریلوے کے عملہ بھی نہیں کریں گے  شور و غل

نئی دہلی، 29 جنوری (قومی ترجمان) ٹرین میں سفر کے دوران اکثر دیکھا گیا ہے کہ بہت سے لوگ رات گئے تک اونچی آواز میں یا فون پر باتیں کرتے رہتے ہیں۔  یہی نہیں بہت سے لوگ اونچی آواز میں میوزک بھی سنتے ہیں۔ اب ریلوے اس حوالے سے سخت رویہ اپنانے جا رہا ہے۔  اس کے علاوہ لائٹ روشن کرنے کے حوالے سے بھی گائیڈ لائن جاری کی گئی ہے۔  10:00 بجے کے بعد کیبن میں فوکس لائٹ کے علاوہ دیگر لائٹس کا استعمال ممنوع ہے۔  اس سلسلے میں تمام زونل ریلوے کو خط لکھ دیا گیا ہے۔

یہ قانون فوری طور پر نافذ العمل ہو گیا ہے

ریلوے بورڈ کے حکام کا کہنا ہے کہ ایسی کئی شکایات موصول ہو رہی ہیں۔  اب تک اس حوالے سے کوئی قاعدہ نہیں تھا لیکن اب ایک اصول بنا دیا گیا ہے۔  اگر لوگ ساتھی مسافروں کے بارے میں ایسی شکایت کرتے ہیں تو ان کے خلاف کارروائی کی جائے گی۔ 

اس کے ساتھ ریلوے عملے کی ذمہ داری بھی طے کی جا سکتی ہے۔  تمام زونل ریلوے کو خط لکھ کر فوری اثر سے اس پر عمل درآمد کرنے کو کہا گیا ہے۔  تاہم اس معاملے میں مسافروں کے ساتھ زور زبردستی نہیں کی جائے گی۔  لیکن انہیں ایسا کرنے سے ضرور روکا جائے گا۔

ریلوے کے عملہ بھی نہیں کریں گے  شور و غل

ایسٹ سنٹرل ریلوے کے چیف پبلک ریلیشن آفیسر راجیش کمار نے کہا کہ ریلوے نے اس بات کو یقینی بنانے کے لیے خصوصی اقدامات کیے ہیں کہ رات کے وقت مسافروں کو کوئی تکلیف نہ ہو۔  رات کے اوقات میں ٹکٹ چیکنگ کے عملے، ریلوے پروٹیکشن فورس، الیکٹریشن کیٹرنگ سٹاف اور مینٹے نیس سٹاف کو بھی ہدایات جاری کی گئی ہیں کہ وہ کام کی انجام دہی کے دوران غیر ضروری طور پر شور غل یا اونچی آواز میں بات نہیں کریں گے یہ ہدایت جاری کیا گیا ہے ۔