ہر سال کی طرح 11 ستمبر کو اس بار بھی کالج آف کامرس میں دی بہار ٹیچرس ہسٹری میکرز کے زیراہتمام ماہرین تعلیم کے لیے ایک ٹیچر اعزاز تقریب کا انعقاد کیا گیا۔
جس کا افتتاح کالج کے پرنسپل ڈاکٹر اندراجیت پرساد رائے اور مہمان خصوصی نالندہ اوپن یونیورسٹی کے وائس چانسلر ڈاکٹر کے سی سنہا جی نے چراغ روشن کر کے کیا۔ اس پروگرام میں اساتذہ کے اعزاز کے ساتھ ساتھ مختلف اساتذہ اور بچوں کی جانب سے رنگا رنگ پروگرام پیش کیا گیا جس نے دل موہ لیا۔
اس پروگرام میں بہار کے 38 اضلاع کے مختلف سرکاری اسکولوں کے 110 اساتذہ کو اعزاز سے نوازا گیا۔جس میں گوپال گنج ضلع کے اونچکاگاؤں بلاک کے این پی ایس لہسی ٹولہ وجے پور کے استاد وجیہ الحق کو ڈاکٹر گیان دیومنی ترپاٹھی سر نے اعزاز سے نوازا۔
اس کے ساتھ ہی ساتھ جناب وجیہہ الحق اور ڈاکٹر ونیتا پریا نے کڈز ڈانس اور قوالی 2 پروگراموں کے نظامت کے فرائض بھی انجام دیئے ۔
