مدھوبنی، 19 فروری – بہار کے مدھوبنی ریلوے اسٹیشن سے ایک چونکا دینے والا ویڈیو سامنے آیا ہے۔ پلیٹ فارم پر کھڑی ٹرین میں زبردست آگ بھڑک اٹھی۔ یہ آگ کیسے لگی یہ ابھی تک معلوم نہیں ہو سکا۔ لیکن راحت کی بات یہ ہے کہ ٹرین خالی تھی۔ یعنی کسی مسافر کے جانی نقصان کی کوئی خبر نہیں ہے۔
نیوز ایجنسی اے این آئی کے مطابق یہ آگ پلیٹ فارم پر کھڑی فریڈم فائٹر ایکسپریس میں لگی۔ یہ ٹرین جے نگر سے دہلی کے درمیان چلتی ہے۔
مدھوبنی اسٹیشن کے اہلکار اور مقامی پولیس موقع پر پہنچ گئی ہے۔ ایسٹ سنٹرل ریلوے کے سی پی آر او نے بتایا کہ آگ پر قابو پا لیا گیا ہے۔
انہوں نے کہا، "مدھوبنی ریلوے اسٹیشن پر ٹرین (سواتتر سینانی سپر فاسٹ ایکسپریس) کی خالی ٹرینوں میں لگی آگ پر صبح 9:50 پر قابو پالیا گیا”۔ اس واقعہ میں کوئی جانی نقصان نہیں ہوا۔
10 سیکنڈ کی یہ ویڈیو آپ کو چونکا دے گی۔ چاروں طرف دھوئیں کے بادل اور آگ کے شعلے نظر آرہے ہیں۔ پلیٹ فارم پر موجود کچھ لوگ اسے بجھانے کی کوشش کرتے نظر آ رہے ہیں۔ بتایا جا رہا ہے کہ اب تک کئی ڈبے جل چکے ہیں۔ جبکہ کئی ڈبے بھی آگ کی لپیٹ میں ہیں ۔
ان خبروں کو بھی پڑھیں
