بہارپٹنہ

سی ایم نتیش نے ‘شراب’ تلاش کرنے کے لیے ‘ہیلی کاپٹر’ لگایا، اب آسمان سے رکھی جائے گی نظر

پٹنہ۔حکومت نے بہار میں شراب بندی مہم کو کامیاب بنانے کے لیے مکمل طور پر کمر کس لی ہے۔ اب ہائی ٹیک ڈرون کے ساتھ ہیلی کاپٹر سے بھی شراب تلاش کی جائے گی۔ حکومت بہار کے محکمہ امتناع شراب نے ایک خاص پہل کرتے ہوئے اسے شروع کر دیا ہے۔ اب ہیلی کاپٹر میں بیٹھ کر محکمہ امتناعی کے افسران پورے بہار میں غیر قانونی شراب اور اس کو بنانے والوں کے خلاف کارروائی کریں گے۔

بتا دیں کہ نتیش کمار کی ہدایات کے بعد محکمہ امتناع نے چار سیٹوں والے ہیلی کاپٹر کا آرڈر دیا ہے۔ آج سے اس ہیلی کاپٹر سے شراب تلاش کرنے کا کام بھی شروع ہو گیا ہے۔ منگل سے محکمہ امتناعی کے افسران نے ہیلی کاپٹر میں سوار ہوکر پٹنہ اور اس کے آس پاس کے علاقوں کا دورہ کیا۔ اس دوران کئی مقامات پر غیر قانونی شراب کی اطلاع ملی۔

بتایا جاتا ہے کہ وزیر اعلیٰ نتیش کمار نے پٹنہ ہوائی اڈے پر اس ہیلی کاپٹر کو دیکھا۔ بھاگلپور سے واپس آتے ہوئے انہوں نے ایئرپورٹ پر ہیلی کاپٹر کو دیکھا۔ اس پورے عمل کا مظاہرہ نتیش کمار نے بھی دیکھا۔ محکمہ امتناعی کے افسران نے نتیش کمار کو بتایا کہ کس طرح کارروائی کی جارہی ہے۔ مکمل تیاری کے بارے میں بھی بتایا۔ ہیلی کاپٹر سے کارروائی کی جانکاری لینے کے بعد نتیش کمار نے وہاں موجود افسران کو ضروری ہدایات دیں۔

آپ کو بتاتے چلیں کہ بہار میں شراب پر پابندی 2016 سے نافذ ہے، اس کے بعد بھی شراب کی سپلائی اور تیاری جاری ہے۔ وزیر اعلیٰ نتیش کمار شراب بندی کو کامیاب بنانے کے لیے کافی کوششیں کر رہے ہیں۔ اس کے بعد بھی غیر قانونی کاروبار پر لگام نہیں لگائی جا رہی۔ تمام کوششیں ناکام ہوتے دیکھ کر حکومت نے سب سے پہلے ڈرون کے ذریعے نگرانی شروع کی۔ یہ کسی حد تک کامیاب بھی رہا۔ اور اب اس کے بعد نتیش حکومت نے ایک اور بڑی پہل کی ہے۔

ان خبروں کو بھی پڑھیں

حوالہ : نیوز 18

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button